سماجی میڈیا کے ذریعے نفرت اور عدم برداشت سے جنگ
Resiliency Initiative پورٹل ایشیاء پیسفک علاقے میں ڈیجیٹل آلات کی حامل مقامی کمیونٹیز کو اپنے نیٹ ورکس میں اور ان سے باہر نفرت، تشدد اور تنازعے کے خلاف جنگ میں بااختیار بناتا ہے۔ اپریل 2021 میں قائم کردہ یہ ریسورس پورٹل آن لائن کام کرنے اور سوشل میڈیا کے ذمہ دار اور مؤثر استعمال کے لئے ٹولز اور کمیونٹی نیٹ ورکس تک مفت رسائی فراہم کرتا ہے۔
ٹیکنالوجی نے معلومات اور خبروں کو فروغ دینا آسان بنا دیا ہے۔ لیکن جب بے بنیاد الفاظ کو للکارا نہ جائے تو غلط معلومات موجودہ تناؤ کو بڑھا سکتی ہیں یا مذہبی، نسلی یا جنسی گروہوں میں نئے تفرقے پیدا کر سکتی ہیں۔ Covid-19 کے دوران یہ مسئلہ ماضی کی تمام حدود پار کر گیا، جس کے نتیجے میں پیدا ہونے والی عدم برداشت اور فرقہ وارنہ نظریات نے کمیونٹیز کو تقسیم کر دیا ہے۔
وسیع تر Resiliency Initiative دی ایشیا فائنڈیشن اور فیس بک کے درمیان اشتراک ہے جو ایشیا پیسفک علاقے میں کمیونٹیز کے درمیان لچک رکھنے والی کمیونٹیز تشکیل دینے کے لیے مقامی سطح پر کام کرتی ہے۔ 2020 میں Resiliency Initiative نے Covid-19 وبا پر تیز تر ردعمل دیتے ہوئے ایشیا پیسفک علاقے میں 60 سے زائد مقامی سول سوسائٹی تنظیموں اور بنیادی درجے کی تنظیموں کو سوشل میڈیا کی تربیت دی۔ اس پراجیکٹ کو آن لائن ٹولز اور کمیونٹی نیٹ ورکس کے استعمال سے برداشت کو فروغ دینے، بین المذاہب اور بین النسلی احساس مضبوط کرنے اور تشدد اور انتہاپسندی کی مخالفت کرنے کے لئے تیار کیا گیا ہے۔
ہمیں معلوم ہے کہ ایشیا پیسفک علاقے کے مقامی رہنماؤں اور کمیونٹیز ہر روز عدم مساوات، ناانصافی اور تشدد کا باعث بننے والے تعصب، تفریق اور نفرت کے خلاف جنگ میں محنت کرتے ہیں۔ بطور کمیونٹی کے لیڈران، آپ مقامی سیاق کو بہترین طریقے سے جانتے ہیں – یعنی لوگوں، تاریخ اور تناؤ کو۔ یہ سائٹ تحمل کا نقطۂ نظر رکھتے ہوئے آپ کو آن لائن کام، غلط معلومات کی مخالفت اور اپنی کمیونٹی میں اور اس کے باہر احساس کو فروغ دینے کے وسائل تک رسائی فراہم کرتی ہے۔
فیس بک پر ہماری کمیونٹی میں شامل ہوں
مشغول رہیں اور ہمارے فیس بک پیج کے ذریعہ ہماری وسیع تر کمیونٹی میں شامل ہوں
Go to Facebook
